Қанот вингери Жейдон Санчо Эрик тен Хаг билан можаро туфайли «Манчестер Юнайтед» асосий жамоасидан анча муддатга четлаштирилди. 23 ёшли футболчи қишки трансфер ойнасида клубини ўзгартириши мумкин.
Transfers News Live нашрининг журналист Лори Уитвелга таяниб хабар беришича, Санчо Европада қолишдан кўра январда Саудия Арабистонига боришни афзал кўради. Сабаби футболчининг юқори маоши - ҳафтасига 200 минг фунтдан ошади.
Қайд этилишича, Санчо билан алоқадорлиги айтилаётган «Боруссия» собиқ футболчиси маошининг ярмини ҳам тўлашга қодир эмас.