"Арсенал" ҳужумчиси Габриэль Жезус фаолиятини ўтган ёзда Испания чемпионатида давом эттириши мумкин эди, деб хабар беради Diario AS.
Манбага кўра, "Барселона" ва "Реал" бразилияликни ҳужум чизиғини кучайтириш учун биринчи рақамли номзод сифатида кўришган. Бироқ испан клубларининг ҳеч бири трансферни якунлай олмади, чунки ўшанда “Арсенал” Жезус учун “Манчестер Сити”га 52,2 миллион евро тўлаган.
Бироқ “Барселона” ҳам, “Реал” ҳам 26 ёшли форвардни кузатишда давом этмоқда. Transfermarkt уни 75 миллион еврога баҳоламоқда.
Жорий мавсумда 26 ёшли бразилиялик 11 учрашувда 4 та гол урди ва 1 та голли узатмани амалга оширди.
