Мюнхеннинг "Бавария" клуби ёзда "Фулхэм"га ярим ҳимоячи Жоау Палинья трансфери бўйича таклиф қилган 65 миллион еврони такрорламоқчи эмас. Журналист Кристиан Фалк берган маълумотларга кўра, Мюнхен клуби шошилинч эҳтиёж туфайли трансфер ойнасининг сўнгги кунида Палиня учун керакли суммани таклиф қилган, бироқ Томас Тухель жамоаси январ ойида олдинги таклифни такрорламоқчи эмас.
Эслатиб ўтамиз, Палинья “Фулхэм” билан шартномасини узайтирди. Мюнхенликлар бошқа ҳимоячи сотиб олишга ҳаракат қилади. Вариантлардан бири Калвин Филлипс, эҳтимол у январдаги трансфер ойнасида “Манчестер Сити”ни тарк этади.
