29 октябрь, якшанба куни Италия А Сериясининг 10-тур учрашуви бўлиб ўтади ва унда “Интер” ва “Рома” ўзаро баҳс олиб боради. Ўйин Миланда бўлиб ўтади.
Ўтган мавсумда "Интер"да ўйнаган "бўрилар" ҳужумчиси Ромелу Лукаку учун бу ўзгача бўлиши керак. Жамоа мухлислари бельгиялик ҳужумчи "Рома"га ўтиб, ўз жамоасига хиёнат қилган, деб ҳисоблашмоқда.
"Интер"нинг ашаддий мухлислари Лукакнинг тўпга тегишига муносабат билдириш учун трибунадаги мухлисларга 30 мингта ҳуштак чалиб, унга руҳий босим ўтказмоқчи эди. Аммо полиция бундай кўп ҳуштаклар ҳакамнинг ўз ишини самарали бажаришига имкон бермаслигини айтиб, бундай ҳаракатни тақиқлади.
Ўтган мавсумда Лукаку А Серияда “Интер” сафида 10 та гол урган бўлса, бу йил “Рома” сафида 5 та гол урди.
