Ҳуқуқлари "Спортинг"га тегишли бўлган 22 ёшли португалиялик ҳимоячи Гонсалу Инасиу "Ливерпул"нинг асосий трансфер мақсади ҳисобланади. Бу ҳақда Bild нашри хабар бермоқда.

Манбага кўра, "мерсисайдликлар" жамоаси бош мураббийи Юрген Клоппнинг шахсан ўзи ушбу футболчини қўлга киритишдан манфаатдор. Потенциал келишув 50 миллион евро атрофида бўлиши мумкин.

Гонсалу 2020 йилнинг ёзидан буён "шерлар"да ўйнамоқда. Томонлар ўртасидаги амалдаги шартнома 2026/2027 йилги мавсум сўнгида тугайди.

Ҳимоячи Примейранинг жорий мавсумида саккизта ўйин ўтказди.