Huquqlari "Sporting"ga tegishli bo‘lgan 22 yoshli portugaliyalik himoyachi Gonsalu Inasiu "Liverpul"ning asosiy transfer maqsadi hisoblanadi. Bu haqda Bild nashri xabar bermoqda.
Manbaga ko‘ra, "mersisaydliklar" jamoasi bosh murabbiyi Yurgen Kloppning shaxsan o‘zi ushbu futbolchini qo‘lga kiritishdan manfaatdor. Potensial kelishuv 50 million yevro atrofida bo‘lishi mumkin.
Gonsalu 2020 yilning yozidan buyon "sherlar"da o‘ynamoqda. Tomonlar o‘rtasidagi amaldagi shartnoma 2026/2027 yilgi mavsum so‘ngida tugaydi.
Himoyachi Primeyraning joriy mavsumida sakkizta o‘yin o‘tkazdi.
