Бугун Германия чемпионатининг 9-турида "Бавария" ўз майдонида "Дармштадт"ни 8:0 ҳисобида мағлуб этди.

Айтиш жоизки, мюнхенликлар тўртинчи дақиқадаёқ Киммихнинг майдондан четлатилиши туфайли бир киши кам бўлиб қолишди, бироқ биринчи бўлим давомида меҳмонларнинг икки нафар футболчиси тўғридан-тўғри қизил карточка олди.

"Бавария" охирги марта 2021 йилда Германия кубоги доирасида "Бремер"га қарши ўйинда шунча кўп гол урган эди. Эслатиб ўтамиз, ўшанда амалдаги чемпион рақиби дарвозасига 12 та гол йўллаганди.

Айни дамда “Бавария” Бундеслига турнир жадвалида 9 турдан кейин 23 очко билан пешқадамлик қилмоқда.