Суперлиганинг 23-туридан ўрин олган “Андижон” – ОКМК (0:1) учрашувидан сўнг мезбонлар бош мураббийи Александр Хомяков ўз фикрларини билдириб ўтди.

“Бугунги ўйинимиз ғалабага мос эмасди. Шунингдек, мағлубиятга ҳам учрамаслигимиз керак эди. Бу учрашувда бизда босим бор эди. Агар ғалаба қозонганимизда 5-ўринга чиқиб олишимиз мумкин эди. Афсуски, баъзи вазиятларда ўйинни ўз қўлимизга ололмадик. Яна айрим ҳолатларда асабийлашишга тўғри келди.

Имкониятлар кўп бўлмади. Қанотлардан тўп оширишларда ҳам бир қатор хатоликларга йўл қўйдик. Армин бош билан зарба йўллаганида аниқлик етишмади. Аламлиси, майдон марказини бой бердик. Учрашувга тайёргарлик жараёнида бу ҳолатларга эътибор қаратгандик. Аммо майдоннинг бошқа чизиқларида ҳам камчиликлар бўлди. Ҳозир бирор фикр билдириш ҳам қийин бўляпти. Бундай ҳолатлар бизга кейинги учрашувларда дарс бўлади”, – деди Хомяков.