«Манчестер Юнайтед» вингери Жейдон Санчога Лондоннинг «Челси» клуби қизиқиш билдирмоқда.
Англиялик футболчи энди «қизил иблислар» сафида ўйнамаслиги мумкин - у сентябрь ойидан бери Эрик тен Хаг билан можаро туфайли футболдан четлатилган.
Кўринишидан, голландиялик мураббий ниҳоят Санчодан воз кечишга қарор қилди, шунинг учун клуб январь ойида унинг бўйича таклифларни тинглашга тайёр бўлади.
Хабарингиз бор, 23 ёшли футболчига даъвогарлардан бири «Челси» ҳисобланади, вингернинг истеъдодини юқори баҳолаган Маурисио Почеттинонинг шахсан ўзи шартнома имзолашдан манфаатдор.
