«Арсенал» бош мураббийи Микель Артета ярим ҳимоячи Мартин Эдегорни майдонга туширмаслик қарорига изоҳ берди.

«Канонирлар» сардори «Шеффилд Юнайтед»га қарши ўйинда бутун учрашувни захира ўриндиғида ўтказди. Учрашув «Арсенал»нинг 5:0 ҳисобидаги ғалабаси билан якунланди.

«Биз ўйинчиларимизнинг сўнгги уч ҳафтадаги дақиқаларини кўриб чиқдик ва баъзилари дам олишга муҳтожлиги аниқ.

Мартиннинг аҳволи яхши эмас эди. Мен ишонаманки, бизда юқори савиядаги ўйинчилар етарли, шунинг учун бизда танлаш учун имконият кўп.

Ўйлайманки, бугун бунинг учун тўғри кун бўлди», - деди Артета.