"Бавария" ҳужумчиси Харри Кейн "Дармштадт"га қарши ўйинда майдоннинг ўз ярмидан зарба беришга қандай қарор қилгани ҳақида гапириб берди.
Учрашув 8:0 ҳисобида Томас Тухел шогирдларининг ғалабаси билан якунланди.
“Мен "Дармштадт" дарвозабони ғалати ҳолатда эканлигини кўрдим. Ўйлайманки, ўша пайтда биз аллақачон 5:0 ҳисобида олдинда эдик ва мен буни синаб кўришга арзийди деб ўйладим. Тўп ҳавода бўлганида, мен шунчаки унинг дарвозага кириб боришини дуо қилардим. Яхшиямки, шундай бўлди", - деди Кейн.