«Бавария» бош мураббийи Томас Тухель Мануэль Нойернинг «Дармштадт»га (8:0) қарши ўйиндаги ҳаракати ҳақида ўз таассуротлари билан ўртоқлашди.
37 ёшли дарвозабон жиддий жароҳатдан сўнг майдонга қайтди - у ўтган йил охиридан бери майдонга тушмаганди.
«Мануэль ҳар доим бир неча қадам олдинда ўйнайди, биз буни машғулотларда кўрамиз. У ҳар қандай вазиятга мослашади, ҳар доим нимани ўзгартириш кераклигини билади ва фикр билдиради.
Аввалига озчиликда қолиб, кейин кўпчилик бўлганимизда унинг маҳорати бизга жуда фойдали бўлди.
У яхши ўйнади ва биринчи бўлимда ажойиб сейв амалга оширди. Қайтгандан сўнг дарҳол ўз дарвозаси дахлсизлигини сақлаб қолиш унинг учун жуда муҳим», - деди Тухель.
