«Bavariya» bosh murabbiyi Tomas Tuxel Manuel Noyerning «Darmshtadt»ga (8:0) qarshi o‘yindagi harakati haqida o‘z taassurotlari bilan o‘rtoqlashdi.
37 yoshli darvozabon jiddiy jarohatdan so‘ng maydonga qaytdi - u o‘tgan yil oxiridan beri maydonga tushmagandi.
«Manuel har doim bir necha qadam oldinda o‘ynaydi, biz buni mashg‘ulotlarda ko‘ramiz. U har qanday vaziyatga moslashadi, har doim nimani o‘zgartirish kerakligini biladi va fikr bildiradi.
Avvaliga ozchilikda qolib, keyin ko‘pchilik bo‘lganimizda uning mahorati bizga juda foydali bo‘ldi.
U yaxshi o‘ynadi va birinchi bo‘limda ajoyib seyv amalga oshirdi. Qaytgandan so‘ng darhol o‘z darvozasi daxlsizligini saqlab qolish uning uchun juda muhim», - dedi Tuxel.
