Якшанба куни «ПСЖ» Франция чемпионати доирасидаги ўйинда «Брест» устидан меҳмонда ғалаба қозониб, ўз мухлисларини хурсанд қилди.
Иккинчи голидан кейин Килиан Мбаппе брестлик мухлисларга имо-ишоралар қилди ва бунинг учун сариқ карточка олди.
Ўйиндан кейин журналистлардан бири ижтимоий тармоқларда Мбаппе Франция терма жамоаси сардори сифатида ўзини бундай тутишга ҳаққи йўқлигини ёзди. Футболчи бунга жавоб берди.
«Ҳа, улар жамоадошимни ҳақорат қилишганда, мен улар билан бирга қўшиқ айтишим керакмиди?!», - деб ёзган Мбаппе киноя билан.
