"Манчестер Сити" бош мураббийи Пеп Гвардиола Англия Премьер-лигасининг ўнинчи турида "Манчестер Юнайтед"га қарши ўйинда (3:0) дубль қайд этган ҳужумчи Эрлинг Холанднинг ўйини ҳақида гапирди.
"Эрлинг - бу машина. У иккита гол урди, аммо тўртта гол уриши мумкин эди. У ақл бовар қилмайдиган. У билан биз ўзимизни янада ишончли ҳис қиламиз. Бизда унинг борлигидан хурсандман", - дея Гвардиола сўзларини келтирмоқда BBC.
Жорий мавсумда 23 ёшли футболчи барча турнирларда 15 та ўйинда қатнашиб, 13 та гол урди ва жамоадошларига 3 та голли узатма ёздириб қўйди.
