Франция терма жамоаси бош мураббийи Дидье Дешам Аргентина терма жамоасининг ЖЧ-2022 даги ғалабаси ҳақида гапирди.
“Аргентиналикларга ЖЧда ёрдам берилди дейдиганларни тушунмайман. Аргентина фойдасига берилган ягона баҳсли пенальти Польша билан ўйинда бўлди.
Мен Аргентина ва Франция термаларини бизга ЖЧлар тарихидаги энг яхши финални тақдим этганликлари билан табриклайман. Зўрлар жанги бўлди ва уларга бироз кўпроқ омад кулиб боқди”, - деди Франция терма жамоаси бош мураббийи.
Эслатиб ўтамиз, финалда аргентиналиклар пенальтилар сериясида французлардан устун келган эди.