Англиянинг бир йўла икки жамоаси «Ливерпуль» ва «Арсенал» Мадриднинг «Атлетико» клуби яримҳимоячиси Арда Туранга қизиқиш билдирмоқда. Бу ҳақда «El Mundo Deportivo» нашри хабар тарқатди.
Бундан бир неча кун муқаддам футболчининг ўзи кучини бошқа чемпионатда синаб кўриш истаги борлигини маълум қилганди. Тураннинг Англияга кўчиб ўтишига унинг жуда юқори трансфер нархи ҳалақит қилиши мумкин. Футболчининг испан клуби билан келишувига мувофиқ футболчининг қўйиб юбориш суммаси 24 миллион евро сифатида кўрсатилган.