Goal портали таҳлилчилари бу йилги “Олтин тўп” учун овоз бериш натижаларини башорат қилишди. Журналистларнинг фикрича, номинация ғолиби аргентиналик ҳужумчи Месси бўлади. Агар таҳмин амалга ошса, бу 36 ёшли футболчи учун саккизинчи шундай соврин бўлади.

Иккинчи ўриндан “Манчестер Сити” ҳужумчиси Эрлинг Холанд жой олди. Дунёнинг энг яхши футболчилари учлигига “ПСЖ” ҳужумчиси Килиан Мбаппе жойлашди.

Шунингдек, энг яхши 10 таликка қуйидагилар киради: Винисиус Жуниор («Реал»), Кевин де Брёйне («Манчестер Сити»), Родри («Манчестер Сити»), Илкай Гюндоган («Барселона»), Виктор Осимхен («Наполи»), Хулиан Альварес («Манчестер Сити»), Роберт Левандовски («Барселона»).