Инсайдер Фабрицио Романонинг таъкидлашича, кўплаб Европа клублари "Байер"нинг ҳужумкор ярим ҳимоячиси Флориан Вирц атрофидаги вазиятни диққат билан кузатиб боришмоқда.
20 ёшли германиялик футболчининг трансферига Испания, Англия ва Германиянинг етакчи клублари қизиқиш билдирмоқда.
Ўнг қанот ёки чуқур ҳужумчи сифатида ҳам ўйнай оладиган футболчи Бундеслигада пешқадамлик қилаётган "Байер" сафида жорий мавсумда 13 ўйинда майдонга тушиб, 5 та гол урди ва 8 та голли узатмани амалга оширди.
Футболчининг немис клуби билан шартномаси 2027 йилнинг ёзига қадар тузилган, Transfermarkt уни 85 миллион еврога баҳоламоқда.
