Insayder Fabrisio Romanoning ta’kidlashicha, ko‘plab Yevropa klublari "Bayer"ning hujumkor yarim himoyachisi Florian Virs atrofidagi vaziyatni diqqat bilan kuzatib borishmoqda.

20 yoshli germaniyalik futbolchining transferiga Ispaniya, Angliya va Germaniyaning yetakchi klublari qiziqish bildirmoqda.

O‘ng qanot yoki chuqur hujumchi sifatida ham o‘ynay oladigan futbolchi Bundesligada peshqadamlik qilayotgan "Bayer" safida joriy mavsumda 13 o‘yinda maydonga tushib, 5 ta gol urdi va 8 ta golli uzatmani amalga oshirdi.

Futbolchining nemis klubi bilan shartnomasi 2027 yilning yoziga qadar tuzilgan, Transfermarkt uni 85 million yevroga baholamoqda.