"Аякс" жамоанинг янги мураббийи номини эълон қилди.
Амстердам клуби Жон ван Схипни вақтинча бош мураббий этиб тайинланганини эълон қилди. Шартнома 2025 йилнинг 30 июнига қадар амал қилади, жорий мавсум охирида ван Схип техник менежер лавозимига ўтади.
Ван Схип "Аякс" тарбияланувчиси бўлиб, 11 мавсумни клубда ўтказган. У аввалроқ "Твенте", "Мельбурн Харт", "Гвадалахара", "Мельбурн Сити", "Зволле" ва Греция терма жамоасида бош мураббий бўлиб ишлаган. Нидерландиялик мутахассис 2021 йилдан бери ишсиз эди.
Нидерландия чемпионатининг жорий мавсумида “Аякс” 8 турдан кейин 5 очко жамғариб, сўнгги, 18-ўринни эгаллаб турибди.
