"Лион" хўжайини Жон Текстор "Марсель" мухлисларининг ўз жамоаси автобусига уюштирган ҳужуми, натижада бош мураббий Фабио Гроссо жароҳат олгани ҳақида гапирди.
"Биз Фабионинг бошидан қон оқаётганини ва унинг юзида шиша синиқлари борлигини кўрдик. Бу ҳайратланарли вазият эди. У ҳушидан кетаётганга ўхшарди.
Биз жуда ғазабландик. Воқеадан кейин ҳам жамоамиз ва мураббийимиз майдонга тушишга тайёр эди. Сардоримиз Александр Льяказетт кийиниш хонасида ақлдан озган эди.
Ким қарор қилганини билмайман (ўйинни бекор қилиш - муаллиф), мен хонада эмас эдим. Футболни бундай ўйнаш керак мас", - деди Текстор.
Кеча "Марсел"га қарши ўйиндан бир соат олдин Лион клуби автобусига рақиб жамоа мухлислари ҳужум қилишди.
