"Ливерпуль"нинг юлдуз ҳужумчиси Муҳаммад Салоҳ Саудия Арабистони клубларининг радарида қолмоқда. Шу билан бирга, Премьер-лига гиганти аъло формадаги мисрликни сотмайди - молиявий жиҳатдан космик таклиф олган тақдирда ҳам бу вариант чиқариб ташланади. Бу ҳақда Football Insider хабар бермоқда.
Айтиш жоизки, ёзда миш-мишлар Салоҳни "Ал-Иттиҳод" билан фаол боғлаганди. Саудия клуби мисрлик учун 150 миллион евро таклиф қилгани хабар қилинганди.
Transfermarkt портали мутахассислари 31 ёшли Муҳаммад Салоҳни 65 миллион еврога баҳоламоқда. 2023/2024 йилги мавсумда мисрлик 13 та ўйин ўтказиб, 10 та гол урди ва 4 та голга ассистентлик қилди.
