"Liverpul"ning yulduz hujumchisi Muhammad Saloh Saudiya Arabistoni klublarining radarida qolmoqda. Shu bilan birga, Premyer-liga giganti a’lo formadagi misrlikni sotmaydi - moliyaviy jihatdan kosmik taklif olgan taqdirda ham bu variant chiqarib tashlanadi. Bu haqda Football Insider xabar bermoqda.

Aytish joizki, yozda mish-mishlar Salohni "Al-Ittihod" bilan faol bog‘lagandi. Saudiya klubi misrlik uchun 150 million yevro taklif qilgani xabar qilingandi.

Transfermarkt portali mutaxassislari 31 yoshli Muhammad Salohni 65 million yevroga baholamoqda. 2023/2024 yilgi mavsumda misrlik 13 ta o‘yin o‘tkazib, 10 ta gol urdi va 4 ta golga assistentlik qildi.