Италия терма жамоасининг собиқ футболчиси Даниэле Адани Неаполда 2:2 ҳисобида дуранг ўйнаган "Милан"нинг қийинчиликлари ҳақида фикр билдирди.
Аданининг фикрича, "Милан" ҳозирги бош мураббий Стефано Пиоли қўл остида циклнинг охирига етиб келган. Цикл тўрт йил давом этди - Пиоли "Милан"ни 2019 йил 9 октябрда қабул қилиб олганди.
"Пиолини айблаб бўлмайди. У "Милан"ни яратди, уни яратиш учун тўрт йил сарфлади. Аммо энди, менимча, цикл тугади. Яна бир нечта мағлубият ва у ишдан бўшатилади. Жамоатчилик фикри унга қарши чиқяпти. Мухлислар нима дейишаётганини биламан, ўндан еттитаси уни ишдан бўшатиш керак деб ҳисоблайди. Клуб мухлислари уни ҳеч қачон севишмаган, бироқ Пиоли А Сериядаги энг яхши мураббий" - деди Адани pianetamilan.it билан суҳбатда.
