ЦСКА ярим ҳимоячиси Аббосбек Файзуллаевнинг биринчи мураббийи Дмитрий Ан футболчининг РПЛни 13-турида "Краснодар"га (1:0) қарши ўйиндаги ўйини ҳақида гапирди.
"Ўйин менга ёқди. Очиғини айтсам, мен ЦСКАга қизиқа бошладим. Аббос ҳар бир ўйинда яхшиланмоқда, унга кўзим тегишидан қўрқаман ва у фақат ривожланишда давом этади деб умид қиламан. Ўйиндан сўнг Аббосни ғалаба ва ассистентлик билан табрикладим.
Ўйин куни Ўзбекистон ва унинг маданиятига бағишландими? Маданиятга бундай ҳурмат борлиги жуда ёқимли ва ажойиб. Муваффақиятли даврни ўтказаётган Аббосни ортиқча таъкидламасликка ҳаракат қиламан. Имконият пайдо бўлганда, биз у билан албатта ҳамма нарсани муҳокама қиламиз", - деди Ан Metaratings.ru билан суҳбатда.
Жорий мавсумда Файзуллаев ЦСКА сафида барча турнирларда 11 ўйин ўтказиб, битта гол ва иккита голли узатмага муаллифлик қилган. Футболчининг Москва клуби билан шартномаси 2026 йилнинг июнь ойи охиригача амал қилади. Transfermarkt портали ҳамюртимизнинг нархини 2 миллион еврони ташкил қилади.
