Саудия Арабистони Қирол кубогида мухлислар Криштиану Роналдуни ғазаблантиришди.
“Ан-Наср” ҳужумчиси тўпни ён чизиқдан ўйинга киритишга ҳозирлик кўраётган пайтда мухлислар “Месси, Месси!” дея ҳайқира бошлади.
38 ёшли португалиялик футболчи тўпни шеригига узатди ва кўрсаткич бармоғини лабига қўйиб, трибуналар томон қараб, "Ал-Иттифоқ" жарима майдончаси томон юрди. Шунингдек, у мухлисларни жим бўлишга чақирди.
Эндиликда "Интер Майами" шарафини ҳимоя қилаётган Лионель Месси кеча фаолиятидаги 8-марта “Олтин тўп”ни қўлга киритди. Роналдуда 5 та шундай мукофот бор.
