"Реал" вингери Винисиус Жуниор ўзини клубда бахтли ҳис қилишини тан олди.

Сешанба куни "Лос-Бланкос" матбуот хизмати бразилиялик футболчи билан шартномани 2027 йилгача узайтиришини маълум қилди. 23 ёшли футболчи ўз келажагини доимо "Реал" билан боғлашни хоҳлаганини айтди.

“Бу ерда ўйнаш менинг орзуим бўлган. Мен келган жойдан келиб чиққан ҳолда, бу даражага етишиш жуда қийин.

"Реал Мадрид" футболчиси бўлиш нимани англатишини сўз билан ифодалаб беролмайман. Менинг ҳис-туйғуларимни фақат буни бошидан кечирганлар тушуниши мумкин.

Мен барча жамоадошларим билан яхши муносабатларга эгаман. Бизни бирлаштирадиган нарса шундаки, биз барчамиз дунёнинг энг яхши клуби вакили бўлишдан хурсандмиз. Бу лаҳзалардан завқланиш керак, улар жуда тез учиб кетишади", - дея Винисиусдан иқтибос келтиради Madrid Xtra.