Ромарио Карло Анчелотти Бразилия терма жамоасини бошқаришини хоҳламайди.

"Бразилия футбол конфедерацияси раҳбари Эдналдо Родригес Диниз фойдасига тўғри танлов қилгани учун табриклайман. У бизнинг энг яхши мураббийимиз.

Динизнинг терма жамоада клуб миқёсида қиладиган иши билан шуғулланишга, кучли томонларини ишга солишга, машғулотлар ўтказишга, шу футболчилардан жамоа тузишга вақти йўқ. У қўлидан келганини қилади. Охирги икки ўйинда дуранг ва мағлубиятга учраган, аммо ҳеч ким доим ғалаба қозона олмайди.

Камтарона фикримча, Бразилия терма жамоаси ишончли қўлларда.

Жин урсин Анчелоттини! Мен Динизнинг охиригача қолишини истайман”, - деди бразилиялик собиқ ҳужумчи.

“Флуминенсе”ни ҳам бошқарадиган Диниз 2023 йилнинг июлидан буён вақтинчалик миллий терма жамоани бошқариб келмоқда. У билан шартнома бир йилга тузилган.