Opta порталининг суперкомпьютери Испания чемпионатининг жорий мавсумида чемпионлик учун курашда фаворитни аниқлади.

Манбага кўра, чемпионлик унвони учун асосий фаворит "Реал Мадрид" бўлиб, унинг имкониятлари 80,1 фоизга баҳоланмоқда. Рейтингнинг иккинчи поғонасида "Атлетико Мадрид" (13,5%), "Барселона" (6%) эса учинчи ўринни эгаллади.

11 турдан кейин “Қироллик клуби” 28 очко билан Испания чемпионати турнир жадвалида пешқадамлик қилмоқда. Иккинчи ўринда бораётган “Жирона”да ҳам шунча очко бор. Кучли учликни “Барселона” якунлаб турибди, Хави Эрнандес шогирдлари 24 очко жамғарган.

Эслатиб ўтамиз, Ла Лиганинг амалдаги чемпиони "Барселона" ҳисобланади.