Opta portalining superkompyuteri Ispaniya chempionatining joriy mavsumida chempionlik uchun kurashda favoritni aniqladi.

Manbaga ko‘ra, chempionlik unvoni uchun asosiy favorit "Real Madrid" bo‘lib, uning imkoniyatlari 80,1 foizga baholanmoqda. Reytingning ikkinchi pog‘onasida "Atletiko Madrid" (13,5%), "Barselona" (6%) esa uchinchi o‘rinni egalladi.

11 turdan keyin “Qirollik klubi” 28 ochko bilan Ispaniya chempionati turnir jadvalida peshqadamlik qilmoqda. Ikkinchi o‘rinda borayotgan “Jirona”da ham shuncha ochko bor. Kuchli uchlikni “Barselona” yakunlab turibdi, Xavi Ernandes shogirdlari 24 ochko jamg‘argan.

Eslatib o‘tamiz, La Liganing amaldagi chempioni "Barselona" hisoblanadi.