«Ювентус» ҳужумчиси Душан Влахович яқин орада клуб билан шартномасини узайтириши мумкин.
La Gazzetta dello Sport хабарига кўра, туринликлар ўз тўпурарини таркибда сақлаб қолиш ниятида. Манбага кўра, шу ҳафта охиригача томонлар учрашиб, бўлажак келишув тафсилотларини муҳокама қилади. Қайд этилишича, Влаховичнинг шартномаси 2027 йилнинг ёзига қадар қайта имзоланади.
Манбанинг қўшимча қилишича, сербиялик ҳужумчи бош мураббий Массимилиано Аллегри тизимидаги асосий ўйинчига айланади.
Жорий мавсумда 23 ёшли Влахович Италия чемпионатида саккизта ўйин ўтказиб, тўртта гол урди ва битта голли узатмани амалга оширди.
