Украина Олий Радасининг сўз ва ахборот эркинлиги масалалари қўмитаси раиси Николай Томенко Россия билан бирлашган чемпионат ўтказиш Украина учун фойдасиз ҳисобламоқда.
- МДҲ давлатлари ўртасида бирлашган футбол чемпионатини ўтказиш - бу антиукраинча ғоя, - дейди депутат "Эра"радиоси эфирида. - Бу чемпионатда Сибирь ёки Чечнядаги ўйинларда иштирок этиш учун миллиардга яқин фойда оладиган бир нечта жамоаларгина қатнаша оладилар, холос.
Аксарият клубларнинг хўжайинлари бунинг молиявий томонларини ҳал қила омайдилар, шунинг учун бу чемпионат тўлақонли футбол чемпионати эмас, МДҲ олигархларининг ўйинларига айланади.
Бошқа томондан, бу ғоя "рус дунёси" доктринасининг мақсадларини амалга ошириш ёки евроосиё иттифоқини қайта тиклаш эканлиги кўриниб турибди. Агар Украина божхона иттифоқи ёки еврооосиё геосиёсий ҳудудига киришга мажбур экан, нима учун у МДҲ футбол ҳудудига Россия қўл остида қатнашмасин?
Ҳозир Украинада футбол бизнеси жисмоний тарбия ва спортнинг барча жабҳаларида зараркунандалик қилмоқда ва бюджетнинг салмоқли қисми бевосита ёки бизнес орқали олигархларнинг футбол ўйинларига сарфланмоқда. Худо кўрсатмасин, агар бу ғоя амалга ошса, бошқа спорт турларини йиғиштириб, жисмоний тарбия ҳақида унутишга тўғри келади.Чунки барча маблағлар собиқ иттифоқнинг улкан ҳудуди бўйлаб учадиган бир неча жамоани молиялаштиришга кетади. Ишончим комил, бу геосиёсий ёки олигархлар эрмаги фақатгина мунозараларда қолиб кетади ва ҳеч қачон амалга ошмайди.
Биз учун муҳим вазифа - бу оммавий спорт ва жисмоний тарбияга сармоялар йўналтириш.Олигархларнинг МДҲнинг улкан ҳудуди бўйлаб футболда ким бойроқ экани ва ким қиммат легионер сотиб олиши учун ўтказиладиган мусобақаси эмас, - дейди Томенко.
