Клуб расмий сайти "Манчестер Юнайтед"нинг бразилиялик таянч ярим ҳимоячиси Каземиро нима учун Лига кубоги доирасида "Ньюкасл"га қарши ўйинда танаффусда алмаштирилгани ҳақида маълумот эълон қилди. Жамоа бош мураббийи Эрик тен Хаг воқеа ва футболчининг аҳволи ҳақида гапирди.
"Танаффус олдидан у жароҳат олди, шунинг учун биз уни алмаштирдик. Унинг аҳволи ҳақида якуний хулоса чиқариш учун бир кун кутишимиз керак, бироқ мен уни шанба кунги "Фулхэм" билан ўйинда кўрмаймиз, деб ўйлайман", — деди тен Хаг "Манчестер Юнайтед" расмий сайтига.
Кубок баҳси "Ньюкасл"нинг 3:0 ҳисобидаги ғалабаси билан якунланди.
