"Челси" бош мураббийи Маурисио Почеттино Англия лига кубоги 1/8 финалида "Блэкберн" устидан қозонилган ғалаба (2:0) ҳақида гапирди.
"Шанба кунидан кейин биз учун ўйинда ғалаба қозониш ва мусобақанинг кейинги босқичига чиқиш муҳим эди. Жуда кўп вазиятлар бўлди, биз кўпроқ совуққон бўлишимиз керак, аммо буни шанбадан бугунгача ўзгартириб бўлмайди. Вақт ўтиши билан ишонч пайдо бўлади.
Аммо ижобий дақиқалар ҳам кўп бўлди. Биз учун бу муҳим турнирда қолиш ва ўзимизга бўлган ишончни мустаҳкамлаш муҳим эди. Бенуа Бадьяшиль ва Рис Жеймс каби футболчилар бир соат ўйнаш имконига эга бўлишди. Бу муҳим эди. Мен ўз ходимларим билан гаплашдим ва ноябрдаги вазият ва жамоага ўйинчиларнинг келиши туфайли бу мавсумолди ўйинига ўхшаб қолганини айтдим", — деди Почеттинонинг "Челси" расмий сайтига.
"Челси" чорак финалда "Ньюкасл Юнайтед" билан ўйнайди.
28 октябрь куни АПЛнинг 10-турида “Челси” “Брентфорд”га 0:2 ҳисобида имкониятни бой берди. Почеттино шогирдлари 12 очко билан 11-ўринда бормоқда.
