Англия аёллар терма жамоаси ҳимоячиси Алекс Гринвуд Миллатлар лигаси доирасида Бельгияга қарши ўйинда (2:3) бошидан жароҳат олиб, ўзининг "Манчестер Сити" клубида тўлиқ тиббий кўрикдан ўтади, дея хабар бермоқда Reuters.
Ўйин давомида у рақиб ҳужумчиси Яссина Блом билан тўп учун курашда жароҳат олди. Гринвуд замбилда олиб кетилишидан олдин унга биринчи ёрдам кўрсатилиб, 12 дақиқа майдонда ётди. Блом бошини боғлаб ўйинни давом эттирди.
"Алекс Гринвуд терма жамоада ўйнаган вақтида бошидан жароҳат олгани учун кейинги тиббий кўрикдан ўтиш учун "Манчестер Сити" ихтиёрига қайтади. Биз унинг диққат билан кузатилаётганини, ҳушёр ва соғлом эканлигини ва тиббий гуруҳимиз томонидан текширилгунга қадар уйда қолишини тасдиқлашимиз мумкин" - дейилади клуб баёнотида.
Бельгия билан ўйиндан сўнг Англия терма жамоаси бош мураббийи Сарина Вигман Гринвуднинг мияси чайқалганини айтди.
