Angliya ayollar terma jamoasi himoyachisi Aleks Grinvud Millatlar ligasi doirasida Belgiyaga qarshi o‘yinda (2:3) boshidan jarohat olib, o‘zining "Manchester Siti" klubida to‘liq tibbiy ko‘rikdan o‘tadi, deya xabar bermoqda Reuters.
O‘yin davomida u raqib hujumchisi Yassina Blom bilan to‘p uchun kurashda jarohat oldi. Grinvud zambilda olib ketilishidan oldin unga birinchi yordam ko‘rsatilib, 12 daqiqa maydonda yotdi. Blom boshini bog‘lab o‘yinni davom ettirdi.
"Aleks Grinvud terma jamoada o‘ynagan vaqtida boshidan jarohat olgani uchun keyingi tibbiy ko‘rikdan o‘tish uchun "Manchester Siti" ixtiyoriga qaytadi. Biz uning diqqat bilan kuzatilayotganini, hushyor va sog‘lom ekanligini va tibbiy guruhimiz tomonidan tekshirilgunga qadar uyda qolishini tasdiqlashimiz mumkin" - deyiladi klub bayonotida.
Belgiya bilan o‘yindan so‘ng Angliya terma jamoasi bosh murabbiyi Sarina Vigman Grinvudning miyasi chayqalganini aytdi.
