Неймар чап оёғида операция қилинди ва олти ойдан кўпроқ вақтни ўтказиб юборади.
Ҳужумчи ЖЧ-2026 саралашида Уругвайга қарши ўйинда тиззасидан жароҳат олган эди. Унга олдинги хочсимон боғламнинг шикастланиши, шунингдек, мениск йиртилгани ташхиси қўйилган.
Неймарнинг операциясини Бразилия терма жамоаси ва “Атлетико Минейро” жамоаси жарроҳи доктор Родриго Ласмар амалга оширди. Қайта тикланиш шартлари аниқланмаган, бироқ Бразилия футбол конфедерацияси “Ал-Ҳилол” ҳужумчиси 20 июнь куни старт оладиган Америка кубогига қайтиши мумкин деб ҳисобламоқда, деб хабар беради ESPN.
Аввалроқ бразилиялик футболчи 10 ойга сафдан чиққани хабар қилинганди.
