"Майнц" бош мураббийи Бо Свенссон билан хайрлашди.
Клуб бугунги учрашувдан сўнг томонлар шартномани бекор қилишга қарор қилганини маълум қилди.
"Майнц U23" бош мураббийи Ян Зиверт асосий жамоанинг янги бош мураббийи этиб тайинланди.
Свенссон бу лавозимда 2021 йилнинг январидан бери ишлаб келаётганди. Унинг қўл остида жамоа сўнгги уч мавсумда 12, 8 ва 9-ўринларни эгаллади.
Жорий Германия чемпионатида “Майнц” 9 турдан буён бир марта ҳам ғалаба қозона олмади ва бор-йўғи 3 очкони қўлга киритди. У охирги ўринда бормоқда.
