Саудия Арабистони футбол раҳбарияти йилнинг исталган фаслида – ёз ёки қишда жаҳон чемпионатини ўтказишга тайёр. Катта эҳтимол билан, бу давлат 2034 йилги жаҳон чемпионати мезбони бўлиб қолади, айниқса, Австралиянинг аризасини қайтариб олишидан сўнг. Саудия Арабистони футбол федерацияси раҳбари Йосир Ал-Мисеҳал тушунтирганидек, унинг мамлакатида Қатардаги стадионларни совутиш учун фойдаланилган технологиялар мавжуд.
- Бизда стадионларда тўғри иқлим яратиш технологиялари мавжуд. Кўпгина шаҳарларда ёзда жуда ёқимли муҳит ҳукм сураётганини айтмаса ҳам бўлади”, — деди Саудия футболи расмийси.
