"Аш-Шабоб" қанот вингери Дуглас Костани ўз сафига жалб этиш ниятида.
Октябрь ойи охирида бразилиялик футболчи Американинг "Лос-Анжелес Гэлакси" клубини тарк этиб, эркин агентга айланди. Ўтмишда бир неча бор 33 ёшли футболчига Саудия Арабистонидан ва "Ювентус"дан таклифлар бор эканлиги айтилганди. Инсайдер Николо Скиранинг янгиланган маълумотларига кўра, Коста аллақачон "Аш-Шабоб" билан музокаралар олиб бормоқда. Саудия клуби футболчига 2025 йилнинг ўрталарига қадар шартнома таклиф қилмоқда.
2023 йилги мавсумда Дуглас Коста “Лос-Анжелес Гэлакси” сафида 22 та ўйин ўтказиб, 4 та гол ва 7 та голли узатмага муаллифлик қилган.
