"Барселона" футболчиси Фермин Лопес Испания терма жамоасига таклиф олишга ҳозирлик кўрмоқда.
20 ёшли ярим ҳимоячи "Блауграна"нинг асосий жамоасида фақат жорий мавсумда дебют қилди, аммо шу заҳотиёқ Хави Эрнандес ва бутун футбол жамоатчилигини ҳайратда қолдира олди. Октябрь ойида Лопес Испания ёшлар терма жамоасида илк бор майдонга тушди ва ноябрь ойида Sport нашри хабар беришича, у асосий терма жамоа сафига чақирилиши керак.
16 ноябрь куни испанлар меҳмонда Кипр терма жамоасига қарши майдонга тушса, уч кундан кейин ўз майдонида Грузия рақибларини қабул қилади.
Фермин Лопес “Барселона” сафида 9 та ўйинда қатнашиб, 2 та гол ва битта голли узатмани амалга оширди.