Мадриднинг “Атлетико” клуби бош мураббийи Диего Симеоне Испания чемпионати доирасида “Лас-Пальмас”га қарши ўйиндаги мағлубиятдан сўнг ўз ҳис-туйғулари билан ўртоқлашди. “Матрасчилар” баҳсда 1:2 ҳисобида мағлуб бўлишди.
“Менинг футболчиларим яхши ўйин ўтказишди. Биринчи бўлимда бизда кўп имкониятлар бўлмади, аммо танаффусдан кейин бу борада вазият яхшиланди. Рақиб иккита гол уриб, бизни мувозанатдан чиқариб юборди. "Лас-Пальмас" бу мавсумда яхши ўйинлар ўтказди, шунинг учун биз бундай нарса бўлиши мумкинлигини билардик", - деди аргентиналик мутахассис.
Ла Лиганинг 11-тури натижаларига кўра, Мадрид клуби 25 очко билан турнир жадвалида учинчи ўринда бормоқда.
