Каталониянинг "Барселона" клуби бош мураббийи Хави Эрнандес "Олтин тўп" соврини натижалари ҳақида фикр билдирди. Аргентиналик ҳужумчи Лионель Месси саккизинчи марта нуфузли индивидуал совринни қўлга киритди.
“Месси “Олтин тўп”ни муносиб тарзда олди. У 2022 йилги жаҳон чемпионатининг энг яхши футболчисига айланди. Лео - тарихдаги энг яхши футболчи. Мен у билан гаплашдим, у ҳозир жуда хурсанд”, - дея мураббий сўзларини келтирган Mundo Deportivo.
“Олтин тўп”ни топшириш маросими шу ҳафта бошида бўлиб ўтди. Овоз бериш натижаларига кўра, мукофот Мессига топширилди. Иккинчи ўринни норвегиялик Эрлинг Холанд эгаллаган бўлса, кучли учликни франциялик Килиан Мбаппе якунлади.
