Лондоннинг "Арсенал" клуби бош мураббийи Микель Артета ўнг қанот ҳимоячиси Бен Уайт билан янги шартнома борасидаги музокаралар ҳақида гапирди.
26 ёшли футболчининг амалдаги шартномаси 2026 йилгача мўлжалланган, бироқ клуб, аввалроқ бир неча бор хабар қилинганидек, инглиз билан янги шартнома тузмоқчи.
“Биз ҳар доим жамоани соғлом сақлаш учун қўлимиздан келганини қилишга ҳаракат қиламиз. Клуб ва Эду (Гаспар) бу борада қаттиқ ишламоқда”, деди Артета.
Журналист Фабрицио Романога кўра, музокаралар илғор босқичда. Иккала томон ҳам имкон қадар тезроқ келишувга эришилишига умид қилмоқда.
