Мадриднинг “Реал” клуби раҳбарияти Килиан Мбаппе билан музокаралар олиб борилаётгани ҳақидаги миш-мишларни рад этди.

"Яқинда пайдо бўлган ва турли оммавий ахборот воситаларида Килиан Мбаппе ва клубимиз ўртасида музокаралар олиб борилиши ҳақидаги маълумотларни эътиборга олиб, "Реал Мадрид" футбол клуби бу маълумотлар бутунлай ёлғон эканлигини ва "ПСЖ"га тегишли бўлган футболчи билан ҳеч қандай музокаралар олиб борилмаётганини эълон қилади", - дейилади Мадрид клуби баёнотида.

Мбаппенинг "ПСЖ" билан шартномаси жорий мавсум охиригача амал қилади. Олдинроқ "Реал" франциялик футболчини трансфер қилиш учун янги уринишлар қилиши мумкинлиги ҳақида хабарлар тарқалган эди.