Англия чемпионатининг 11-турида “Брайтон” қийин кунларни бошидан кечираётган “Эвертон”ни мағлуб эта олмади ва ўйин 1:1 ҳисобида якунланди. Аммо "чайқалар"нинг италиялик мураббийи Роберто де Дзерби шунга қарамай ўз ўйинчиларининг ўйинидан мамнун.
"Қийин дақиқаларга қарамай, ўйинимиздан фахрланаман. Бизда жароҳатланганлар кўп, ёшлар кўп, лекин биз устунлик қилдик. Бироқ, ғалаба қозониш учун гол уриш керак. Имкониятларимиз бор эди, аммо барча имкониятларимизни ишга сола олмадик. Бироқ, биз курашдамиз, очко қўлга киритдик. Мен бундан хурсандман", - деди италиялик мутахассис BBC Sport билан суҳбатда.
