Angliya chempionatining 11-turida “Brayton” qiyin kunlarni boshidan kechirayotgan “Everton”ni mag‘lub eta olmadi va o‘yin 1:1 hisobida yakunlandi. Ammo "chayqalar"ning italiyalik murabbiyi Roberto de Dzerbi shunga qaramay o‘z o‘yinchilarining o‘yinidan mamnun.
"Qiyin daqiqalarga qaramay, o‘yinimizdan faxrlanaman. Bizda jarohatlanganlar ko‘p, yoshlar ko‘p, lekin biz ustunlik qildik. Biroq, g‘alaba qozonish uchun gol urish kerak. Imkoniyatlarimiz bor edi, ammo barcha imkoniyatlarimizni ishga sola olmadik. Biroq, biz kurashdamiz, ochko qo‘lga kiritdik. Men bundan xursandman", - dedi italiyalik mutaxassis BBC Sport bilan suhbatda.
