"Интер Майами" ҳужумчиси Лионель Месси Килиан Мбаппе ва Эрлинг Холанднинг "Олтин тўп"ни қўлга киритиш истиқболлари ҳақида гапирди.
30 октябрь куни Месси 8-"Олтин тўп"ни қўлга киритиб, “ПСЖ” ва “Манчестер Сити” ҳужумчиларини ортда қолдирди.
"Тан олиш керакки, Холанд ажойиб мавсум ўтказди. У жуда кўп гол урди, Чемпионлар лигасида ғолиб чиқди ва "Манчестер Сити" билан треблга эришди. Ишончим комилки, у яқин йилларда "Олтин тўп" учун мунтазам курашадиган футболчилардан бири бўлади. Агар у тез орада ғалаба қозонса, ҳайрон бўлмайман.
Мбаппега келсак, бу тахминан бир хил: у мавсумни жуда яхши ўтказди, айниқса жаҳон чемпионатини ажойиб ўтказди, у ўз голлари билан биз учун финални деярли барбод қилди. Назаримда, бир неча бор айтганимдек у ҳар йили совринни қўлга киритиши мумкин бўлган футболчилардан бири, чунки у шубҳасиз, дунёнинг энг яхши футболчиларидан бири", — деди Месси L'Equipe билан суҳбатда.
