Уругвай терма жамоаси бош мураббийи Марсело Бьелса 36 ёшли ҳужумчилар Эдинсон Кавани ва Луис Суаресни Аргентина терма жамоасига қарши ўйин учун терма жамоага қайтармоқчи.

Уругвайнинг ЖЧ-2026 саралаш учрашувлари учун таркиби расман эълон қилинмаган бўлишига қарамасдан, уругвайлик журналистлар Бьелсанинг кенгайтирилган рўйхатидан ушбу тажрибали ҳужумчилар ҳам ўрин олганини ёзишмоқда.

Шу йилнинг май ойида Уругвай терма жамоасининг янги бош мураббийи сифатида таништирилган аргентиналик Бьелса, ўзининг ёшартириш сиёсати туфайли терма жамоанинг тажрибали тўпурарлари Кавани ва Суаресни терма жамоага жалб қилмай келаётган эди.